Триесетите


Во триесетите почнуваш да размислуваш дека никогаш повеќе нема да имаш дваесет. Во дваесетата не си ни помислувал да размислуваш дека никогаш повеќе нема да имаш десет.

Во триесетите сфаќаш дека подготвен бил ти или не, предизвиците се дојдени на соочување.

Во триесетите сфаќаш и многу други работи.

– Предизвикувачите на лоши емоции, се острануваат само со длабоко игнорирање.

– Згоден човек не е оној кој е млад, туку оној кој редовно вежба и правилно се храни.

– Добар човек не се познава по појавата, туку по постапките.

– Лош човек се познава по односот кон другите , не само кон тебе.

– Убавото може да се претвори во неубаво понекогаш и преку една реченица.

– Нема само една љубов и нема само едно заљубување.

– Никогаш не можеш да спречиш некого да те сака, ниту да натераш некого да престане да те мрази.

– Алкохолот е повкусен во дваесетите.

– Храната е поубава во триесетите.

– Најголем  дел од другарите и другарките од дваесетите,  во триесетите стануваат пријатели и познаници.

-Колку и да се натпреваруваш, сфаќаш дека постојат безброј дисциплини. -Ако не се натпреваруваш, сфаќаш дека и за гледач нема секогаш место на трибините.

-Среќата не е во успехот, туку е во посветувањето.

-Љубовта е привилегија исто како и добрата работна средина.

-Не значи дека ако си пропуштил, немаш право подоцна да надоместиш.

-Не значи дека ако подоцна надоместиш, ќе го задоволиш пропуштеното.

-Цигарата е штетна, не пушењето.

-Страста е краткотрајна, не љубовта.

-Перцепцијата е битна, не околината.

-Парите се прогресивни. Како старееш, се повеќе ти требаат.

-Здравјето е скапоцено.

-Децата се највредната и најтешката инвестиција.

-Никогаш не е доцна да се полуди.

-Секогаш е рано да се каже дека работите се под контрола.

-Убавината е во мирот.

-Се што нема да те полуди до четириесетата, ќе те направи помудар.

Advertisements

3 Comments to “Триесетите”

  1. не сум сретнал подобро објаснување за триесетите…

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: